بلاير أنونز باتل جراوندز او بوبجي او بابجي او ببجي انطقها زي ماتحب هي اصلا PlayerUnknown's Battlegrounds واختصارا PUBG
ساحات معارك اللاعبين المجهولين هي لعبه متعدده المهام والفرق ولعبه البقاء تم اصدارها في مارس 2017.
تقدر تلعب pubgعلي كل المنصات علي الويندوز والاكس بوكس وفي 2018 صدر نسخه للأندرويد وآي أو إس من شركه تينسنت.
هدف اللعبه
يصل عدد اللاعبين الي 100 لاعب كل منهم هدفه يكون الناجي الاخير او الفريق الناجي الاخير والفوز بوجبه الدجاج. في بدايه كل مباراه يقفز اللاعبين بالمظلات علي جزيره بدون اي اسلحه ويمكنك البحث عنها في المباني والمركبات وغيرها .
يمكنك تحميل لعبه بابجي بالدخول الي بلاي ستور او أب ستور والتحميل مباشرة اللعبه مجانيه فيها عناصر مدفوعه وتقدر تلعبها علي الاكس بوكس والبلايستيشن لكنها مدفوعه وتقدر تدفع علي الموقع وتنزل نسخت.
الاصدار المتاح حاليا هو تحديث شهر 6.2019 تحت رقم 0.13.0
يوجد العديد من الطرق لتشغيل PUBG MOBILE علي الكمبيوتر هيتم عرضها وطريقة التشغيل لكل منها بشرح بسيط بدون تعقيد وصولا لافضل محاكي اندرويد خفيف ويقوم بتشغيل الالعاب بصفه عامه وببجي بصفه خاصه بدون بطئ أو تهنيج.
الطريقه الأسهل والأشهر واولي نتائج البحث تحميل محاكي جاهز انا جربت معظم المحاكيات لكن للاسف كلها تتفق علي شئ واحد أكل امكانيات الجهاز لان المحاكي نظام محتاج رام وبروسيسور للعمل وأصلا انت شغال علي نظام ويندوز والاخير محتاج هاردوير يشتغل عليه وهنا هنضطر نقسم البلد نصين واحد للمحاكي وواحد للويندوز لكن هتقابلنا مشكله ان الاتنين هيهنجوا او هيكون الشغل تقيل عليهم فمش هتقدر تستمتع باللعب كما يجب.
بصفه عامه تقدر تنزل اي محاكي ومشهورين جدا وموضوعات كتيره جدا علي النت انا مش هتكلم عنهم لكن انا هرشحلك إتنين من محاكيات الاندرويد
محاكي الاندرويد تينسنت TENCENT EMULATOR
هو محاكي مباشر من الشركه صاحبه لعبه بابجي PUBG مخصص للعبه مباشره هتلاقي خيار تنزيل اللعبه مباشره لكنها هتاخد منك وقت علي حسب سرعه اتصالك فياريت تنزله وتسيبه مع نفسه وبعد ساعتين او تلاته ترجعله
محاكي الأندرويد Remix OS Player
نظام أندرويد علي نسخه وهميه تعمل تحت منصه ويندوز وشبيه بالمحاكي السابق الا انه أندرويد بي سي يعني تقدر تشغل عليه برامجك والعابك بدون التقيد بلعبه او برنامج معين
يعني محاكي بنفس المحاكيات العاديه علي نظام وهمي لكن انت اللي هتقوم بتثبيته علي جهازك خطوه بخطوه وهعلمك تنزل كذا نظام بكذا طريقه ولكل طريقه مميزات وعيوب ويجب الحذر لاننا في بعض النقاط هنتعرض للهارديسك الخاص بجهازك ولو قمت بخطوه غير محسوبه ممكن تخسر بياناتك علي الهارد للأبد.
لتثبيت لعبه ببجي PUBG أو غيرها من الالعاب والبرامج علي اندرويد فيرتشوال ماشين عليك تتعامل مع كذا برنامج كالتالي
- برامج الاجهزه الوهميه ORACLE VM VIRTUALBOX أو VMWARE أو تقدر توفر في باقة الانترنت وتشتغل بميكرسوفت HYPER-V وانصحك باستعمال الاول لانه اقلهم مشاكل اما اذا قررت تستعمل ميكروسوفت هايبر-في فمش هتقدر تستعمل الاتنين التانيين الا لما تحذفه من الجهاز الأول.
- نسخه من نظام الاندرويد أيزو جاهزه للبوت والتثبيت كنظام منفصل زي الويندوز واللينكس وغيرهم تقدر تنزلهم من اللينكات بالاسفل
طريقة تشغيل ميكروسوفت هايبر-في:
نفذ بالترتيب كما بالصوره
انشاء جهاز وهمي جديد علي هايبر-في
1. جهاز وهمي جديد 2. اسم الجهاز
3. تغيير مكان حفظ الجهاز 4. اختار مكان الحفظ
5. اختار البرتيشن للحفظ فيه 6. اختار الاولي اضمن
7. دوس التالي 8،9. حدد الرام اللي هتحتاجه ودوس التالي
10. شغل كارت الشبكه بالاختيار التاني 11،12،13. هتحدد حجم الهارد ودوس التالي
14. اختار التثبيت من اسطوانه 15. اختار من ملف ايزو وحدد مكانه
16. دوس انهاء وارجع للشاشه الرئيسيه ودوس كونكت وطبق شرح التثبيت بالفيديو
طريقة التثبيت كامله في الفيديو وكل الانظمه طريقة تثبيتها واحده تختلف اختلافات بسيطه بصفه عامه تجاهل او ارفض اي طلب خلال التثبيت مش ظاهر في الفيديو وكل شئ هيكون تمام
# نظام اندرويد بأداة تثبيت داخل ويندوز ANDROID PC INSTALLER
هنا تقدر تستخدم انظمه جاهزه ومتوافقه تماما مع جميع الالعاب والبرامج وتوفر علي الجيمر الوقت والتكاليف ببساطه دي انظمه اندرويد بتقدر تثبتها من خلال برنامج تثبيت كأي برنامج عادي جدا علي الهارد ديسك او حتي علي فلاشه وبتنزل في فولدر مخصوص بإسمها وبتنزل ايقونه علي سطح المكتب تقدر تشغله منها وهيقفل الجهاز ويفتح لكن علي نظام الاندرويد واذا اعدت التشغيل تقدر تدخل تاني للويندوز بدون مشاكل واذا لم يعجبك النظام ببساطه ادخل علي الفولدر المخصص بيه في المكان اللي ثبته فيه وكليك علي UINSTALLوهيتم حذفه بكل سهوله وبالترتيب اللي تحت انا هرتبلك الانظمه من الأفضل الي الأقل ولك حريه التجربه
- تثبيت نظام OPENTHOS
للاسف لايحتوي علي برنامج تنصيب.
- تثبيت نظام PRIME OS
1. شغل برنامج التثبيت ودوس التالي 2. اختار برتيشن لتثبيت النظام كفولدر
3. حدد حجم الفولدر الافضل 16جيجا 4. اضغط التالي ولاحظ الرساله لان النظام هيقوم بقص الحجم المحدد في الخطوه رقم 3 وعمل برتيشن منفصل او ممكن تقوم انت بعمل البرتيشن ده زي الخطوات الجايه 5. دوس التالي وهيبدء التثبيت
- تثبيت نظام PHOENIX OS
1. شغل برنامج التثبيت ودوس تثبيت 2. اختار مكان التثبيت
3. دوس التالي للتثبيت 4. اختارها لو حبيت تثبت علي فلاشه
5. اختاره لو عايز تحذف البرنامج 6. للحذف يدوي ادخل علي فولدر البرنامج
7. دوس علي حذف
- تثبيت نظام REMIX OS
1. اختار مكان ملف ايزو النظام 2. اختار التثبيت هارديسك او فلاشه
3. اختار برتيشن للتثبيت 4. دوس للبدء
# نظام أندرويد تثبيت كامل ANDROID BOOTABLE ISO
تقدر تستخدم محاكيات الاندرويد كنظام منفصل عن طريق حرق النظام علي فلاشه والبوت منها كأنك بتثبت ويندوز عادي جدا وهمشي معاك خطوه خطوه في الطريقه دي لانها صعبه جدا علي غير المتمرس
# هنختاج برنامج لتقسيم الهارديسك لعمل برتيشن خاص بالنظام بحيث كل شغلنا علي البرتيشن ده واي مشكله تحصل تكون بعيد عن باقي البرتيشنز انصحك ببرنامج AOMEI PARTITION ASSISTANT.
# اسطوانه DLC BOOT لان فيها برامج الهارد وفيها نسخه ويندوز اكس بي وويندوز 10 ميني هتحتاجهم اذا حصل مشكله في الهارد.
# برنامج AOMEI Backupper لعمل نسخه احتياطيه من الويندوز في حال احتجتها للضروره.
# فلاشه او اسطوانه لحرق بوت برنامج AOMEI BACKUPPER للبوت منها واعاده تنزيل النسخه الاحتياطيه.
# برنامج RUFUS لحرق ملفات الأيزو علي الفلاشه.
# برنامج EASYBCD او من اسطوانه DLC تقدر تستخدم BOOTICE للتعديل علي ملف BCDالمسئول عن البوت في الويندوز.
طريقة العمل
مرحلة التجهيز:
اولا هتاخد نسخه احتياطيه من الويندوز بحيث لو حصل خطأ تقدر ترجع كل حاجه في برتيشن سي زي ماكانت ومترجعش تثبت ويندوز وبرامج من الاول
- ثبت برنامج aomei backupper ونفذ كما بالصور وجهز اسطوانه او فلاشه تنزل عليها سيستم البوت للبرنامج وبيه هتقدر ترجع الباك اب مره تانيه
1. اختار باكآب 2. اختار سيستم باكآب 3. اختار برتيشن الويندوز
4. اختار برتيشن حفظ الملف 5. لبدء الحفظ 6. لاسترجاع الباكآب مره تانيه
- ممكن يحصل مشكله في البوت ومش محتاج ترجع النسخه لكن هتحتاج تعمل اصلاح للويندوز مش هيكمل 5دقايق وفي الحاله دي هتحتاج اسطوانه او فلاشه عليها نسخه الويندوز المستخدمه وتابع الصور
- ممكن تستعمل احد البرامج في الموضوع هنا او هنالتجميع اكتر من نسخه زي الويندوز واسطوانه الصيانه واسطوانه الباك أب وتوفر في الوقت والاسطوانات
- استعمل برنامج rufusلحرق الايزو ويندوز او اندرويد او غيره علي الفلاشه لو احتجت ليه
ثانيا خلي مساحه فاضيه علي اي برتيشن انت عايزه معاك من 8جيجا وكلما زادت كان افضل وانصح ب16جيجا لو هتنزل العاب تانيه زود زي مانت عايز او لو عندك برتيشن فاضي يكون افضل ومش هتضطر تقوم بالخطوات دي
- افتح برنامج aomei partition assistant وطبق زي الصور وبعد كل عمليه لازم تدوس apply
1. حدد البرتيشن 2. اختار سبليت 3. حدد المساحه الفاضيه
4. دوس اوك 5. دوس apply
- علشان تقدر تعرف البرتيشن اللي هتثبت عليه النظام هنجهزه لاستقبال النظام وبالتالي مش هنعيد الخطوه دي اثناء تثبيته هتقوم بعمل فورمات للبرتيشن بنظام ext4 بنفس البرنامج السابق ولما تختار اثناء التنصيب هتلاقي هو برتيشن واحد بالنظام ext4 وهتقوم باختياره ومش هتقوم بعمل فورمات تاني وعلشان تعرف رقم البرتيشن هتنزل برنامج bootice او اسطوانه dlc.
نزل برنامج imdisk من الروابط وثبته وتابع الصور
1.كليك يمين علي ايزو اسطوانه دي ال سي 2. اختار ماونت لتحميلها علي اسطوانه وهميه
3. دوس اوك 4. افتح السي دي الوهمي 5. شغل البرنامج كمسئول
6. اختار ديسك تولز 7،8. برامج تقسيم الهارد لو حبيت تستعملها
9. دوس علي بوت ايس 10. اختار فيزيكال ديسك
11. اختار مدير البرتيشنز 12. احفظ ارقام البرتشينز هتلاقيها بنفس الارقام اثناء التثبيت
مرحلة التثبيت
تثبيت نظام openthosوتجربه تشغيل ببجي pubg
هنقوم بثبيت نظام openthosتابع شرح الفيديو لكن بدون عمل فورمات للبرتيشن زي ماسبق وقلت وخد وقتك في التنفيذ ممكن تستعمل موبايلك لمشاهده الفيديو والتنفيذ علي الكمبيوتر وبصفه عامه طريقة التثبيت ثابته لمعظم الانظمه في الموضوع وبتختلف في النظام نفسه بعد التشغيل مش اكتر
اذا قابلت مشكله في البوت من النظام بعد حرقها علي الفلاشه راسلني هقولك علي طريقة تانيه.
عامه النسخه بتشتغل علي اجهزه الكمبيوتر المدعومه بنظام UEFI.
تعليقات
إرسال تعليق